Sumali sa 4th Heroes Run 2015!

Mahilig ka bang tumakbo at sumali sa mga fun run o marathon? Kung oo, pwes sumali  na sa Heroes Run 2015!

Ang Heroes Run 2015 ay ang ika-apat na fun run na ini-organisa ng Philippine Military Academy Alumni Association, Inc. (PMAAAI), Philippine Military Chapter sa pakikipagtulungan ng Armed Forces of the Philippines Educational Benefits System Office (AFPEBSO), na nakatakdang ganapin sa Nobyembre 29 (Sabado).

At ngayong taon, mas pinalaki at pinalawak pa ang nasabing fun run dahil gaganapin ang Heroes Run hindi lang sa Manila at Ilo-ilo kundi sa Davao din.

Sa tema nitong “Maging Bayani Sa Ating Mga Bayani”, layunin ng fun run na makalikom ng pondo para sa mga iskolar ng Armed Forces of the Philippines Educational Benefits System Office (AFPEBSO), isang organisasyon sa AFP na nagbibigay ng educational scholarship programs para sa mga batang naiwan ng ating mga yumaong sundalo pati na rin sa mga sundalong lubos na napuruhan sa digmaan . Ito ay bilang pagbibigay-pugay sa kanilang kabayanihan at katapangan na maipagtanggol an gating bansa.

Sa mga nais sumali, maaaring magparehistro online sa kanilang official website na www.heroesrun.ph o di kaya’y sa kanilang on-site registrations.

Ang malawakang fun run ay maaaring salihan sa iba’t ibang kategorya:

• 3K (Php 500.00 Registration Fee)
• 5K (Php 700.00 Registration Fee)
• 10K (Php 800.00 Registration Fee)
• 21K (Php 900.00 Registration Fee)

Para sa iba pang detalye, makipag-ugnayan lamang sa PMAAAI sa pamamagitan ng kanilang:

• Website: http://www.heroesrun.ph
• E-mail: info@heroesrun.ph
• Facebook: https://www.facebook.com/HeroesRunPH
• Twitter: https://www.twitter.com/HeroesRunPH

Gamitin din ang hashtags na #4thHeroesRun2015 #IAmAHero #MagingBayaniSaAtingMgaBayani

Inaasahan na nasa 5,000 katao ang lalahok sa takbong ito. Kaya’t ano pang hinihintay mo? Sumali na at MAGING BAYANI SA ATING MGA BAYANI!